ကျွန်တော်ထံတွင် ကားအိုလေးတစ်စင်း ပိုင်ဆိုင်ခဲ့ပါသည်။ လွန်ခဲ့သောနှစ်က မိသားစု ကားလေးနှင့် နယ်ဝေး ဘုရားဖူးသွားနိုင်ရန် ကားအိုလေးအား ပြင်ဆင်ကြပါသည်။ အပြင်ဆေးတွေကို ခွာလိုက်သောအခါဝယ် အရိုးတွေ အပြိုင်းပြိုင်းထ ရိဆွေးနေသော ရုပ်ကြွင်းတစ်ခုလို မြင်ရပါတော့သည်။ ဟိုမှာချုပ် သည်မှာတည်းနှင့် ဆက်စပ် ဖာထေးပြီး foundation ပတ်တီးထူထူ ပေါ်တွင် ကွန်ပြူတာဆေးလေး တင်လိုက်သောအခါဝယ် ပြင်တတ် ဆင်တတ်သော လေးဆယ်ကျော် မမရုပ်လောက်တော့ ထွက်လာပါသည်။
ထို့နောက်များမကြာမီ Heart ထိစေသော သတင်းစကား ကြားရပါသည်။
““ယာဉ်အိုယာဉ်ဟောင်းများဖျက်သိမ်းမည်””
သို့သော် USDollar-3500မကျော်သော ကားဝယ်ခွင့်ရမည် ဆိုသဖြင့် ၃၅၀၀x၈၀၀=၂၈၀၀၀၀၀ိ/- ဟု တွက်ပြီး တော်သေးရဲ့ဟုတွေးကာ ကားသစ်ကို သိန်းသုံးလေးဆယ်နှင့်ဝယ်နိုင်ရေး အပြေးအလွှား ကားအပ်ပြီးချိန် မတော့...
Mark II ရွှေငါးက မြန်မာပြည် အရောက် သိန်း(၂၀၀)ကျော် လောက်ကျမယ်။ အခွန်ရောဆိုတော့ နိုးနိုး အခွန်က မပါသေးဘူးလေ။…...အခွန်က ကားရောက်မှ ခင်ဗျားတို့ ဘာသာဆောင်ရမှာ......ဘုရားရေ။ USDollar-၃၅၀၀ မကျော်ရဘူးဆို။…..နိုးနိုး....Model-2002 မကျော်ရင် ပြီးရော။ Websiteမှာ ဒေါ်လာ၂၀၀၀ ပတ်ဝန်းကျင်တန် ကားတွေ တွေ့တယ်လေ။ ဒါက ခင်ဗျားကိုယ်တိုင် ၀ယ်မှမရဘဲ။……အဟုတ်လား....ဟုတ်တာပေါ့ဗျာ….. ခင်ဗျား ကားဝယ်ဖို့ ပိုက်ဆံ ဘယ်က လွှဲမလဲ။ သင်္ဘော ဘယ်သူက တင်ပေးမှာလဲ။ ခင်ဗျားမှာ နိုင်ငံခြားဝင်ငွေ Account ရှိလား။ ဒါဆိုရင် ကျွန်တော်ဘယ်လို ၀ယ်ရမလဲဗျာ။ဆိုတော့ လွယ်ပါတယ်။ ကျွန်တော်တို့ ၀ယ်ပြီးသား ကားဝယ်လိုက်တဲ့။ အိမ်အရောက် ဆောင်ရွက်ပေးမယ်။.....ဒါဆို ကျွန်တော် ဘယ်လောက် ကုန်မလဲ။ ပြောပြီး ပြီးလေ။ ကားအရောက် သိန်းတစ်ရာ အထက်သုံးရပါမယ်လို့။
ဒီလိုတော့ ဘယ်ရမလဲ။ ငါကလူလည်ဘဲ။ ဂျပန်က ကားဈေးအတိုင်းဝယ်ပေးတဲ့ ကုမ္ပဏီရှာမပေါ့။ အညာ သား အတတ အောင်မေ့လို့…….
ကားက ဂျပန်လေလံ Websiteကအတိုင်း လေလံဆွဲပေးတာပါတဲ့။.ဟုတ်ချေပြီ ဒါမျိုးမှပေါ့။ ဒီနေ့တွေ့ နေရတဲ့ စာရင်းထဲက ကားတွေကို လေလံဆွဲပေးပါတယ်။ ဟိုက ဈေးအတိုင်းဘဲ ရပါမယ်။.....ကြိုက်ပြန်ပြီ။ ဒီလိုမှ မြန်မာချင်း စာနာရာ ရောက်မပေါ့။ လေလံကို ဘယ်လောက်က စတင်ရမလဲ။ အနည်းဆုံး ယန်း-၃၅၀၀၀၀လောက် စထည့် ရပါမယ်။ မြန်မာငွေ ဘယ်လောက်......တွက်ပေးမယ်လေ။ ယန်း၃၅၀၀၀၀x၀.၀၁၃၀၀=၄၅၅၀ကို တစ်ဒေါ်လာ ၈၀၀ နှုန်းနဲ့မြှောက် ၃၆၄၀၀၀၀ိ/-လောက် ရှိမယ်။ ဒါဆိုရင် ကားရ ရောလားဆိုတော့ မပြောနိုင် သေးဘူး။ အဲ့ဒါ စမယ့္ရေစ်းတဲ့။ မရရင် ထပ်တိုးရမယ်။……Websiteမှာက ကြမ်းခင်းဈေး ယန်း၃၀၀၀၀ လောက်နဲ့ဘဲ စထားတယ်လေ။ ယန်း၄၀၀၀၀ လောက်နဲ့စလို့ မရဘူးလားလို့ အတွန့်တက်မိရာ.....ခင်ဗျားသဘောဘဲ။ ယန်း၄၀၀၀၀နဲ့ လေလံခလုတ်နှိပ်လို့ မအောင်ရင် ခလုတ်နှိပ်ခမြန်မာငွေ ၃၀၀၀၀ိ/-လောက် ခင်ဗျားပေးရမယ် ဆိုပါလား ဘုရားဘုရား ဒါဆို တဖြည်းဖြည်းချင်းတိုးဖို့ တစ်ကြိမ်ခလုတ်နှိပ်တိုင်း ၃၀၀၀၀ိ/-တိုးလို့ ငါးကြိမ် ခလုတ် နှိပ်ရရင် ၁၅၀၀၀၀ိ/- ကုန်သွားမယ်။ ဒါကြောင့် ကျွန်တော်တို့ ပြောသလောက်နဲ့ စပါတဲ့။
ဟုတ်ပါပြီ။ ကျွန်တော်လည်း သိန်း(၃၀)(၄၀)လောက်ဘဲ တတ်နိုင်တော့လေ.......နိုးနိုး…...နိုးနိုး…...မရ သေးဘူး။......ဘုရားရေ….ဘာများကျန်…..ဒါကကားဈေး သင်္ဘောတင်စရိတ်က (၁၅)သိန်းလောက်ထပ်ပေါင်း။ နောက်ရော.....ကျွန်တော်တို့ဝန်ဆောင်ခ.......၀န်ဆောင်ခကဘယ်လောက်…….(၂၄)သိန်းပါ…....ဘာ…...ဘာလို့(၂၄)သိန်းယူ…....ယူ…....ခင်ဗျားကား ပါမစ်လျှောက်ဖို့ ကျွန်တော်တို့က Accountပြပေး ရတယ်လေ။ (၂)လ(၃)လမှ ငွေပြန်ထုတ်လို့ရတာ။ အတိုးနဲ့တွက်ကြည့်တဲ့။ (ဘာကိုတွက်ရမှာလဲ။ ဘယ်လို တွက်ရမှာလဲ မသိတော့။ ခေါင်းတွေပါ ထူကုန်သည်။)
ဒါဆိုပြီးရောလား။ ကားရပြီနော်။....နိုးနိုး....နိုးနိုး....မရသေးဘူး။ သူ့““နိုး””ကဆက် ““နိုး”” တုန်း။ ဘာတွေများ ဘယ်လောက်တောင် ကျန်သေးတာလဲဗျာဆိုတော့ ကားလေလံကွင်းကနေ.....ကားဆွဲခ၊ ဂျပန်အစိုးရ ကိုအခွန် 5%၊ နံပါတ်ရှိရင် ဖျက်သိမ်းခ၊ ခင်ဗျားမှာ အခွန်ဆောင် မှာနဲ့ဆိုရင် သိန်း(၂၀၀)နီးနီး ကျော်ရှိမှ ကားစီးလို့ ရပါမယ်။ တန်ပါတယ်ဗျာ။ သိန်း(၂၀၀)ကျော်ကျော်လောက်နဲ့ ဂျပန်အောက်ကားလေး စီးရတာပေါ့။ အခုစီးနေရတဲ့ ကားတွေ ထက်တော့ အပုံကြီးသာပါတယ်။
ဘုရားရေ....ကျွန်တော်အပ်လိုက်သောကားက မိသားစုစီးရန်(၄၂)သိန်းနှင့်ဝယ်ပြီး(၁၀)သိန်းဘိုးပြင်စီးသော ကား၊ စုစုဆောင်းဆောင်းပစ္စည်းရောင်းလျှင် သိန်းသုံးလေးဆယ်၊ နောက်မှာရမယ့်ကားက သိန်း(၂၀၀)လောက်ရှိမှ ဆိုရင်......
““ အမျိုးသမီးနှင့်သမီးအား သိန်း(၃၀)လောက်နှင့် ကားသစ်ကြီးစီးရမည်ဟု သွေးဆောင်ကာ အလျင်အမြန် ကားအပ်လိုက် မိပြီးနောက် မည်သို့ ဘာသာပြန်ရမည်ကို တွေးရင်း ထမင်းစား မ၀င်သော ရောဂါဖြင့်””
သို့သော် ကျွန်တော် ဇွဲမလျှော့နိုင်ပါ။ ပညာတတ်မာန် ဓါတ်ခံကလည်း ရှိမဟုတ်လား။ (အမှန်တော့ မရှိပါ ကိုယ့်ကိုယ်ကို ထင်ခြင်းသာ ဖြစ်ပါသည်) Internet ပေါ်က Website များတွင် USDollar-2000ကျော်နှင့် ကားကောင်းကောင်းတွေ တွေ့ပါလျှက်….နည်းတော့ရှိရမည်။ သတင်းWebsite များတွင် Information ရှာသော အခါဝယ် …….
““ ကားအပ်ထားသော စလစ်ရှိလျှင် သိမ်ဖြူငွေလဲစင်တာမှ ဒေါ်လာရောင်းပေးမည်။ အဆိုပါ စလစ်နှင့်အတူ သိမ်ဖြူစင်တာ၏ ငွေရောင်းပြေစာ ပြလျှင် MICB(သို့)MFTBတွင် ကားတင်သွင်းရန် Account ဖွင့်လို့ရမည် ““
ဆိုသော သတင်းရသောအခါ လဲကျနေသော စိတ်ဓါတ်က နလံထ လာနိုင်သည်။ ဒါဆို Account ရမည်။ Accountရှိ လျှင် ကိုယ်တိုင် ကားသွင်းလို့ ရတော့မည်။ ဒါ့ကြောင့် ရန်ကုန်သွားရမည်။ ရန်ကုန်က ဆွေနီးမျိုးချင်းများ၊ မိတ်ဆွေများ အားဖုန်းဆက်ရာ အားလုံးက ကူညီမည် လာခဲ့ပါပေါ့။ အကုန်လိုက် ပို့မည်ပေါ့။ ရန်ကုန်ရောက်တော့ ၀ိုင်းကူညီကြသည်။ နေရာအစုံ စေတနာဗလပွနဲ့ လိုက်ပို့ကြသည်။ သို့သော် ဂျပန်မှာ ကုန်ကျသောကားဆွဲခ၊ အခွန်၊ နံပါတ်ပြား ဖျက်သိမ်းခများ ထည့်မတွက်ပြကြသည်မှအပ ထူးမခြားနားပင်။ တစ်မျိုးထူး၍ ရေဒီယိုသတ္တိ ကြွစစ်ဆေးခ ဆိုတာပါ ပါလာသေးသည်။ ကားဘိုးသက်သာလျှင် သင်္ဘောတင်ခက ဈေးကြီးသည်။ သင်္ဘောတင်ခ သက်သာလျှင် ၀န်ဆောင်ခနှင့် ဂျပန်မှ ကုန်ကျစရိတ်တွေတွင် တင်ထားသည်။ ၀န်ဆောင်ခ သက်သာပြန်တော့ ကားတန်ဘိုး+သင်္ဘောခ(CIF)ဈေးက များပြန်သည်။ နောက်ဆုံးတော့ ဒုံရင်းဒုံရင်းပင် ဖြစ်ပါသည်။ ဒါတောင် ကားရောက်လျှင် ဆိပ်ကမ်းမှ ထုတ်ရန် အတွက် Agentအား အပ်ရမည်(၁)သိန်းခွဲခန့်ကုန်ဦးမည်ဆိုဘဲ။ သည်ထဲမှာ အစ်ကိုက သူ့သူငယ်ချင်း ကားသွင်းသည် ဆိုသောကြောင့် ဖုန်းဆက်ပြီး လှမ်းမေးမိလိုက်သောအခါ.....
ဟယ်လို…...ကျွန်တော်------ညီပါ…...ကျွန်တော် ကားအပ်ထားတော့လေ။ ဂျပန်ကနေ ကားလေးဈေး ပေါပေါနဲ့ သွင်းချင်လို့ပါ။ .....ဘယ်လောက်သုံးမှာလဲ။.......ခင်ဗျာ......ငါပြောတာ မင်းဘယ်လောက် သုံးမှာလဲ …....ဟုတ် သိန်း(၃၀)(၄၀)လောက်တော့စဉ်းစားထား.......မရဘူး….. ခင်ဗျာ.....မရဘူးလို့ .....သင်္ဘောတင်တဲ့ ကုန်ကျစရိတ်တောင်သိန်း(၅၀)လောက် ရှိတယ်။ မင်းပိုက်ဆံလောက်နဲ့ ဘာမှမရဘူး…....ဒါဘဲ......။ တုံးတိတိနဲ့ ချသွားသော ဖုန်းသံအဆုံး ကျွန်တော့်ရင်ထဲတွင်............
နောက်ဆုံး ကျွန်တော် တနင်္ဂနွေသား ဂဠုန် ဆားချက်ပါသည်။ ကျွန်တော်၏ နောက်ဆုံးအကြံလည်း ဖြစ်ပါသည်။
ကျွန်တော်အား ဂျပန်မှ မှန်မှန်ကန်ကန်ဈေးနှင့် ကားဝယ်ပေးပြီး သင်္ဘောတင်ခ မှန်မှန်ကန်ကန်ဖြင့် ရန်ကုန် အရောက် တင်ပေးမည့် အကျိုးဆောင်ကို ရှာမည်။ ကိုယ်တိုင် ကားစလစ်ပြပြီး သိမ်ဖြူစင်တာက ဒေါ်လာဝယ်ကာ Account ဖွင့်မည်။ ပြီးလျှင် ကားပါမစ် လျှောက်ကာ ကားသွင်းမည်။ ရှာကာဖွေကာနှင့် ဂျပန်မှာ ကားဝယ်ပေးပြီး သင်္ဘောတင် ပေးမည့်သူ ကားတွေ့ပါသည်။
Nissan Primera model year2000.sedan 4Door 2000cc. နှင့် Nissan Primera sedan 4door. 2000cc.model year2001အပါအ၀င် အခြားကားတို့ကို ရန်ကုန်အရောက်ဈေး CIF ယန်း၅၀၀၀၀၀ဖြင့် ၀ယ်ပေး မည့် သူများတွေ့ပါသည်။ ယန်း၅၀၀၀၀၀x၀.၀၁၃၀၀=၆၅၀၀ USDollar ဆိုလျှင် မြန်မာငွေမှာ ၆၅၀၀x၈၀၀=၅၂၀၀၀၀၀ိ/-သာ ကျပါသည်။ ထိုအတွက် ၀န်ဆောင်ခ-၃၀၀၀၀၀ိ/-ထက် မပိုသောနှုန်းသာ ယူပါမည်တဲ့။ ကျန်ကိစ္စများကိုယ်တိုင် လုပ်ရန်ဟုဆိုသည်။ 2000Model အောက်ဆိုလျှင် သည့်ထက်သက်သာရန် ရှိသဖြင့် မှန်းချက်နှင့် နှမ်းထွက်ကတော့ ကိုက်နေပြန်သည်။
““ သို့ရာတွင် ”” ထို ““ သို့ရာတွင် ““ က ရှိနေပြန်ပါသည်။
(၁)ကားပါမစ် လျှောက်လျှင် Account ပြရမည်။ ထိုAccount မှ LC လွှတ်ရန်လိုသည်ဟု ပြောကြပြန်သည်။ ထို LCလွှတ်ရန် ကလည်း Singapore ကနေတစ်ဆင့် လွှတ်ရမည်ဟု ပြောကြပြန်သည်။ Singaporeတွင် အခံမရှိ လျှင် အဆင်မပြေ ဖြစ်နိုင်သည်။
(၂)အပြင်မှာ နားလည်မှုဖြင့် ကားဖိုးချေလျှင်တောင် Accountမှငွေကို LC လွှတ်ပြီး Singaporeလိုမျိုးက ပြန်ဝင်မှ Accountတွင် ထည့်ထားသော ပိုက်ဆံပြန်ထုတ်လို့ ရမည်ဟုလည်း ဆိုကြပြန်သေးသည်။
(၃)သင်္ဘောတင်ရန် ပါမစ်မှမည်သည်ကို ပို့ပေးရမည်။ ဥပမာ-ပါမစ်မိတ္တူကို ပို့ပေးရမည်လား ကိုယ့်ကားကို သဘောင်္တင်လာပြီး ရန်ကုန်ဆိပ်ကမ်းရောက်မှ ပါမစ်ပြရွေးရမည်လား ဆိုတာခက်ခဲနေပြန်သည်။ လုပ်နည်းလုပ်ဟန် မမှန်လျှင် ကားရွေးမရမှာ စိုးရပြန်သည်။ ဟိုဘက်ကတော့ ပါမစ်ပါအချက်အလက် အချို့ပေးလျှင် သင်္ဘောတင်၍ ရသည်ဟု ဆိုသည်။ ဤသည်များက ကုမ္ပဏီများ၏ လျှို့ဝှက်ရတနာများ ဖြစ်၍ မည်သူမျှ ရှင်းမပြကြပါ။
ထိုအချက်များ ပေါ်လာသောအခါ ကျွန်တော်ဂဠုန် လက်မှိုင်ချရပါတော့သည်။ ရန်ကုန်တွင် နေရင်း ဟိုသွား သည်သွား......လိုင်းကား မစီးတတ်သောကြောင့် တက္ကစီခတွေ ပွန်းစားကုန်ပါတော့သည်။ ထမင်းစား၊ တည်းခိုစရိတ် တစ်ထောင်တန်(၂)အုပ် ပြုန်းပြုန်းပြုတ် သွားသောအခါဝယ် ပြန်ရန်ဆုံးဖြတ်ရပါတော့သည်။ ကားပြခန်း ဖွင့်သည်အထိ မစောင့်လိုဘဲ သူများမစီးခင် ဂျပန်ကား လတ်လတ်ဆတ်ဆတ်ကို စီးပြလိုသော ကျွန်တော် ထသွားမှ ကျိုးမှန်းသိရ ပါတော့သည်။ မာန်ကြီးသော ခါချဉ်ကောင်ကို တောင်ကြီးကတော့ ပြုံးပြုံးကြီး လှောင်ပြ နေခဲ့ပါသည်။ နောက်ဆုံးတွင် သမီးအတွက် JDonut တစ်ဗူးဝယ်၍ မီးရထား၏ ဆောင့်တစ်လှည့် အောင့်တစ်လှည့် ခရီးတွင် ငါတို့ပြီးရင် မင်းအလှည့်လည်း လာမှာပါဟု ကျိန်ဆဲရင်း အညာမြေသို့ ကုပ်ကုပ်ကလေး ပြန်လာပါတော့သည်............
